2017 жылдың 4 сәуірінде «Ж. Ташенов атындағы 20 мектеп» КММ қабырғасында Қанипа Бітібаева атындағы қазақ тілі мен әдебиеті пәнінен Республикалық олимпиаданың облыстық кезеңі өтті.

    2017 жылдың 4 сәуірінде «Ж. Ташенов атындағы 20 мектеп» КММ қабырғасында Қанипа Бітібаева атындағы қазақ тілі мен әдебиеті пәнінен Республикалық олимпиаданың облыстық кезеңі өтті. Олимпиадаға облыс білім беру мекемелерінің аудандық, қалалық іріктеу кезеңдерінен өткен 50-ден астам оқушылары қатысты. Әділқазылар құрамы М. Қозыбаев атындағы СҚМУ оқытушылары және облыстық білім беру ұйымдарының мұғалімдерінен құралды.

    Олимпиаданың қорытындысы бойынша 3 бірінші орын, 6 екінші орын және 9 үшінші орын анықталды. Барлық жеңімпаздар І, ІІ, ІІІ дәрежелі дипломдармен, ал қатысушылар сертификаттармен марапатталды. І, ІІ орын иегерлері 27-30 сәуір аралығында Шығыс Қазақстан облысы Өскемен қаласында өтетін Қанипа Бітібаева атындағы қазақ тілі мен әдебиеті пәні олимпиадасының Республикалық кезеңіне жолдама алды.