2025 жылдың 14 қаңтарында «Әдістемелік орталық» КММ өз даму жолында маңызды қадам жасады. Жаңа бағытты таңдап, қоғамдық бірлестік ретінде «Қазақстандық салалық білім және ғылым қызметкерлерінің кәсіптік одағына» қосылды. Бұл қадам білім және ғылым қызметкерлерінің құқықтарын қорғау мен олардың мүдделерін нығайтуға бағытталған бірлескен күш-жігерді арттыруға ықпал ететіні сөзсіз.

Осы күннің маңызды оқиғаларының бірі – кәсіподақ ұйымының Төрағасын сайлау болды. Қатысушылардың бірауыздан қолдауымен бастауыш кәсіподақ ұйымының Төрағасы болып Дианна Ханатовна Казбекова тағайындалды. Оның жетекшілігімен жаңа кәсіподақ ұйымы білім саласының қызметкерлерінің әл-ауқатын жақсартуға, олардың кәсіби құқықтары мен мүдделерін қорғауға бағытталған ауқымды жұмыстарды жүргізетін болады. Барлық қатысушылар алдағы уақытта ұйымның өз миссиясын сәтті жүзеге асыратынына үлкен үміт артуда.