Астанада республиканың әдістемелік қызметі үшін маңызды оқиға - «Әдістемелік орталықтарды трансформациялау» форумы өтті. Оның мақсаты- әдістемелік орталықтардың қызметін жетілдірудің өзекті мәселелерін талқылау және әдістемелік жұмыстың сапасын арттыру бойынша ұсыныстар әзірлеу болды. «Білім-Инновация» қоғамдық қорының төрағасы Е.Әубәкіров білім беру сапасын арттыруға бағытталған өңірлердегі жобалардың іске асырылуы туралы айтып берді. Ол- бұл бастамалар халықаралық кейстер емес, жергілікті жағдайларға бейімделген және масштабтау әлеуеті бар табысты қазақстандық әзірлемелер екенін атап өтті. Жобалардың тиімділігін бақылауға мүмкіндік беретін өлшеу құралдарына ерекше назар аударылады. Тестілеу нәтижелері бойынша оқушылардың білім сапасы мен білім деңгейі 6-10% -ға өсті, бұл қазақстандық білім беру бастамаларының табысты болғанын растайды. Форумға қатысушылар білім сапасын арттыруға ықпал ететін жаңа білім мен құралдарға ие болды, медиа сауаттылық және жасанды интеллект мәселелерін қарастыра отырып, білім беру сапасын арттыру жолдарын қарастырды. Әдіскерлер білім беру ұйымдарымен бірлесіп қиындықтарды анықтады және бірлесіп шешу тетіктерін табуды мақсат етеді, мұндай жұмыстар оң нәтиже беріп, әдістемелік қызметтің тиімділігін арттыратыны сөзсіз.