2024 жылдың 21 ақпанда «1000 мектеп» жобасы аясында Әдістемелік орталық облыстың 78 мектебіне онлайн-форматта семинар өткізді.

Мектептерге әдістемелік қолдау көрсету мақсатында ұйымдастырылған іс-шараға әдістемелік кабинеттердің меңгерушілері, білім беру ұйымдарының директорлары, директорлардың оқу жөніндегі орынбасарлары қатысты. Мектепті дамыту және мектепішілік бақылау бағдарламасын іске асыру мәселелері қаралды.

Мектептің даму жоспары бойынша Қызылжар ауданы Якорь орта мектебінің директоры З. К. Шакирова, Есіл ауданы Ясновка орта мектебі директорының орынбасары М. Н. Глушакова өз тәжірибелерімен бөлісті. Уәлиханов ауданы Тельжан орта мектебі директорының оқу жөніндегі орынбасары Ж. Ж. Сапиева, Могулская С.В. - Тайынша ауданы Тайынша қаласының №2 орта мектебі директорының м. а. мектепішілік бақылауды орындау бойынша өз тәжірибесімен бөлісті.