2024 жылғы 31 қаңтарда облыстың әдістемелік қызмет қауымдастығының «Әдістемелік қызметті дамытудың өзекті трендтері: проблемалар, тәжірибе, табысты практика» тақырыбында кезекті отырысы өткізілді.

Кездесу барысында 2024 жылға арналған жоспарлар мен әдістемелік кабинеттер жұмысының перспективалық бағыттары белгіленді. Сондай-ақ, Республикалық және облыстық іс-шаралар пулының тұсаукесері өтті.

«Үздік педагог» республикалық байқауының қорытындысы мен 2024 жылы өтетін байқауға дайындыққа ерекше көңіл бөлінді. Нәтижелілікті арттыру үшін конкурсқа қатысушыларға қойылатын талаптар белгіленді.

Отырыстың практикалық блогы педагогтерді әдістемелік сүйемелдеу жұмысы барысында туындайтын проблемаларды айқындауға және талқылауға бағытталды, SWOT-талдау жүргізілді және жұмыстың әрбір бағытын жақсарту жолдары ұсынылды.

Әдіскерлер «Әдістемелік жұмыстың қазіргі заманғы үлгілері мен нысандары» тақырыбындағы жұмыс тәжірибесімен бөлісті, сондай-ақ белсенді қолданылып жүрген педагогикалық өзара іс-қимыл тәсілдерін ұсынды. Жас педагогтерді әдістемелік сүйемелдеуге ерекше көңіл бөлінді.

Отырыстың жұмысы тиімді түрде өрбіді, көтерілген әр мәселе бойынша ұсынымдар мен кеңестер берілді. Іс-шара соңында қатысушылар тарапынан кері байланыстар берілді, олар өз ойларымен бөлісті және рефлексия түріндегі қорытынды жасалды.