2025 жылғы 6 қаңтарда жаратылыстану-математикалық цикл бағыттары бойынша жалпы білім беретін мектептер арасында «Ғылымның бастауында» облыстық олимпиадасы өтті. Олимпиадаға информатика, математика, физика, химия, биология, география пәндері бойынша 70-ден астам 7,8,9- сынып оқушылары қатысты.

Аталған олимпиаданың мақсаты - жаратылыстану-математикалық цикл пәндерін оқытуға қызығушылықты арттыру, дарынды балалардың жұмысын ынталандыру. Олимпиада дәстүрлі түрде 2 тур бойынша өтті. Тапсырмалар теориялық және практикалық сипатта болды. Оқушылардың жұмысы командалық сипатта болды.

«Ғылымның бастауында» олимпиадасының қорытындысы бойынша Есіл ауданының командасы ең жоғары балл жинап, «Гран-при» иеленді.

1-орын: Петропавл қаласы мен Қызылжар ауданының командалары үздік атанды.

2-орын: М.Жұмабаев, Шал ақын және Мамлют аудандары командалары.

3 орын: Шал ақын, Тайынша, Уәлиханов және Ақжар аудандары командалары.

«Ғылымның бастауында» олимпиадасының жеңімпаздары мен жүлдегерлерін құттықтаймыз, барлық қатысушыларға шығармашылық табыс тілейміз.