Қазақстан Республикасының Тілдер күніне арналған «Әдістемелік орталық» КММ іс-шаралар жоспары негізінде 2024 жылдың 11 қыркүйегінде Қызылжар ауданы «Қызылжар Абай орта мектебі» КҚ «Мәңгілік елдің ұлы – Абай» тақырыбындағы қазақ тілі мен әдебиеті пәні мұғалімдерінің облыстық семинары өтті.

Семинар оқыту мен тәрбиелеу процесін жетілдіру және оқыту мен тәрбиелеуге инновациялық тәсілдерді енгізу үшін білім беру саласындағы мұғалімдердің құзыреттілігін дамыту мақсатында ұйымдастырылды.

Семинар барысында педагогтер шеберлік сынып, ашық сабақтар, «Дала үні: Абай мұрасы» поэзия сағатына қатысып өз практикалық іс-тәжірибелерімен бөлісіп өзекті мәселелерді ортаға салды. Іс-шара қатысушылар тарапынан үлкен қызығушылық тудырды.